صار 20 یوم مشارك بهذا التحدي بأن انشر محتوى هادف. يومياً انشر فيديو على Instagram و هدفي ان اصبح احد صناع المحتوى و المؤثرين في العراق.
بما انو اني استعمل كامرة موبايل بالتصوير بديت بتجربة مجموعة من برامج المونتاج على الموبايل و توصلت الى برنامج ربما يلبي اغلب احتياجاتي بالمونتاج Inshot و حصلت علی برنامج احترافي و يعدل الالوان و هذا كلش يخدمني Nodevideo و استعملت برنامج Note حتى ادون بي المواضيع الي راح اصورها على عدد الايام.
كنت اشارك كل فيديوهاتي بمجموعة التحدي بس هسة لا لان صار محمد يشوفهن. و توصلني هواي نصائح مشجعه من المتابعين و بعد ما طبقت اغلب هاي النصائح تحسن عندي التصوير و كذلك قدرتي على الالقاء.
بعد هذا كان تركيزي كيف اوصل الفيديو الى اكثر عدد من الناس حاولت بهواي طرق لكن ما وجدت الطريقة المناسبة او الفعالة لذلك شاركت الفيديوات بقصتي على Instagram و بديت اضيف هاشتاكات اكثر شاهدت ممكن احصل تفاعل افضل رغم الارقام الصغيرة بس جاي افرح كل ما احصل اعجاب او تعليق اضافي. هذا من الفيديوهات الانشرها .
التقدم الي حققته لحد الان جيد و محفز و هذا الي يخليني استمر بالتحدي و ممكن احقق الافضل.
و هذه احصائيات بالتقدم
خلال العشر الايام الاولی من التصوير کنت احس بالتعب بس التعليقات على الفيديوهات خلتني افرح و بدیت اطرق للمواضیع اکثر شموليه و اجتماعيه على الاغلب.
ابد ما فكرت ان اترك التحدي لان خطوتي الاولى بطريقي الطويل. و مفكر ان اغير بطريقة إلقائي و اضيفلها شويه فكاهة🤗.
اما امتناني.
١_ لمرتضى و التيم العظيم مالته على هالتحدي الجميل خلاني ابدي بهدفي شكد جنت خايف ان ابدأ بس فضل هذا التحدي بديت بكل قوة و حماس.
٢_ ممتن للمشتركين المتعاونين كلش يحفزوني و زادت معلوماتي عن هواية مجالات من خلال نقاشاتهم ، و احب تنافسكم الشريف.
٣_ و ممتن لكل شخص يدعمني بالكلام الحلو و المحفز على Instagram من غير المشتركين بهذا التحدي العظيم.
ليست هناك تعليقات:
إرسال تعليق